“Müasir təlim metodları və yeni pedaqoji texnologiyaların tətbiqinin region müəllimlərinə öyrədilməsi

17-18 yanvar tarixlərində Şəki rayonunda “Gələcəyin Müəllimlər” Təşəbbüs qrupunun Azərbaycan Respublikası Təhsil Nazirliyinin “İctimai Təşəbbüslərin dəstəklənməsi” layihəsi çərçivəsində “Müasir  təlim metodları və yeni pedaqoji texnologiyaların tətbiqinin region müəllimlərinə öyrədilməsi təliminin ilk tədbiri həyata keçirildi. Təlim interaktiv görüş

və daha sonra interaktiv təlim mühiti şəkilində həyata keçirildi.  Təlimlərin həyata keçirilməsində Təşəbbüs qrupunun üzvləri İKT, Təhsil,Karyera, Veb 2.0- Veb 3.0 alətlər üzrə ekspert/təlimçi Ramil Süleymanov, V Elektron Respublika müsabiqəsinin qalibləri -"1 şagird-1 kompyuter" layihəsi üzrə peşəkar, Şəki rayon 5 nömrəli tam orta məktəbin Azərbaycan dili və ədəbiyyat müəllimi,təlimçi Nərmin Musayeva və 11 nömrəli tam orta məktəbin ibtidai siniflər üzrə direktor müavini,peşəkar bloqçu-Esmira Sadıqova aparırdı. Təlimlər zamanı müəllimlərə aşagıdakı mövzularda ətraflı məlumatlar verildi. Təlim 50 nəfər üçün nəzərdə tutulsa da 65 nəfər iştirak edirdi. Bu,müəllimlərin bizim təlimimizə olan maraqlarından və təlimin ekspert və təlimçi heyətinin peşəkarlıqla Azərbaycan və Azərbaycandan kənarlarda keçdikləri təlimlərin nüfüzundan irəli gəlir. Tədbirdə həm müxtəlif məktəblərin, hətta ucqar kəndlərin müəllimləri, eyni zamanda Təhsil şöbəsinindirektoru Südabər xanım İsmayılova da iştirak edirdi.  

1. Azərbaycan Təhsil Portalı, ederslik.edu.az, e-resurs.edu.az - Bu portalda olan tədrsi resurslarında istifadə qaydaları haqqında ətraflı məlumat verildi.
2. Learning apss programı- Bu proqramın köməkliyi ilə interaktiv öyrədici tapşırıqların yaradılması,burda müəllimlərə yaratmaq haqqında ilk öncə məlumat verildi. Sistemin işləmə qaydası öyrədildi.  

3. Mindomo.com, caccoo və popplet.com proramlarının köməkliyi ilə- Fəal tədris prosseində dinamik istifadə qaydaları haqqında da ətraflı məlumatlar verildi.

4. Müəllimlərə Azərbaycan və Azərbaycandan kənarda keçirilən müsabiqələrdədə iştirak etməklə baglı  ətraflı məlumatlar verildi.

5. Müəllimlərə bu təlim müddətində həm müəllim bloqu, həm də pulsuz müəllim saytı yaradılması öyrədildi.

Təlim olduqca dinamik inkişafı ilə seçilirdi. Təlim zamanı müəllimlər yaratdıqları resursları daha da təkmilləşdirərək, bu təlim üçün yaradılmış İnternet Resurslarını facebbok qrupunda artıq paylaşmaq üçün göndərirlər. Bu olduqca maraqlı,yadda qalan təlim idi. Təlimin sonunda hər bir müəllim üçün təlim materialları verildi. Təlimin sonunda iştirakçılarla xatirə şəkili çəkdirildi.

Hər bir iştirakçıya sertifikatlar. Təlimin Təlimçilərinə isə Fəxri Fərmanlar verildi.