B.Franklin
gənc nəsillərə öyüd verərək və şəxsi həyatından nümunə gətirərək deyir ki, bu
prinsiplər uğur qazanmaq istəyən istənilən gənc üçün örnəkdir. Bəs bunlar hansı
prinsiplərdir? Görkəmli şəxsiyyət “Avtobioqrafiya”sında qarşısına qoyduğu həyat
qaydaları barədə yazır: “Xeyirxahlıq siyahısı və ona uyğun təlimatlar
bunlardır:
1.Nəfsi
cilovlamaq – doymamış süfrədən qalxmaq, içki içərkən sərxoş olmamaq;
2.Susmaq
– yalnız özünə və başqasına fayda gətirəcək mövzular barədə danışmaq, boş söhbətlərdən
qaçmaq;
3.İntizam
– şəxsi əşyaları onlar üçün ayrılan xüsusi yerlərdə saxlamaq, hər məşğuliyyət
üçün xüsusi vaxt müəyyənləşdirmək;
4.Qətiyyətlilik
– zəruri işlərin həyata keçirilməsində cəsarət göstərmək, alınan qərarı hökmən
yerinə yetirmək;
5.
Qənaətcillik – pulu yalnız mənə və başqalarına xeyir gətirən şeylərə xərcləmək,
yəni israf etməmək;
6.
Çalışqanlıq – vaxtı boş yerə xərcləməmək, daim faydalı işlə məşğul olmaq,
lazımsız işlərdən qaçınmaq;
7.
Səmimiyyət – zərərli yalana yol verməmək, təmiz və ədalətli düşüncələrə sahib
olmaq, ünsiyyətdə bu qaydaya riayət etmək;
8.Ədalət
– heç kəsə zərər verməmək; ədalətsizliyə yol verməmək və xeyirxah iş görmək fürsətini
qaçırmamaq, bunlar sənin vəzifə öhdəliklərinə aiddir;
9.Mötədillik
– ifratdan qaçmaq, haqsızlıqla üzləşdikdə qəlbdə yaranan inciklik hissini
bacardıqca cilovla;
10.Təmizlik
– cismani natəmizliyə yol verməmək, həm geyimdə, həm də evdə səliqə-səhmana riayət
etmək;
11.Təmkinlik
– boş şeylərdən, adi və qaçınılmaz hadisələrdən ötrü həyəcanlanmamaq;
12.İsmət
– Nadir hallarda cinsi əlaqəyə girmək; bu işlə yalnız övlad sahibi olmaq və ya
sağlamlığı qorumaq məqsədilə məşğul olmaq; ağlı itirəcək və zəif düşəcək səviyyədə
ehtirasa qapılmamaq; cinsi arzunun şəxsi və ya özgə nüfuza xələl yetirməsinə
imkan verməmək;
13.Təvazökarlıq
–Sokratı örnək götürmək.
Xeyirxahlıq
prinsiplərin reallaşdırılması uğrunda...
Gənc
B.Franklin tərtib etdiyi bu 13 prinsipə alışmaq üçün gündəliyində xüsusi cədvəl
tərtib etdi. Həmçinin o, hər həftə bir prinsipin əməl edilməsinə üstünlük
verir, qaydanı pozduqda cədvəldə bir, daha kobud şəkildə pozduqda isə iki “X”
işarəsi qoyurdu. Nəticədə, Franklin tədricən, addım-addım özündə əsl xarakter
formalaşdırdı və bu prinsiplər onun mənəvi dünyasına hopdu.
B.Franklinin
prinsipləri həyat mübarizəsinə atılan, qəlbi uğur qazanmaq arzusu ilə
alışıb-yanan, lakin bəzən tərəddüdə düşən hər gənc üçün sanki işıq saçan məşəldir...
uğur
psixologiyası, müvəffəqiyyət, uğur qazanmaq, uğur, motivasiya
uğur
psixologiyası → Simurq elə özünüzsünüz
Simurq
qədim İran əfsanələrində baş və bədəni qartala, quyruğu- tovuzquşuya,
caynaqları isə şir pəncələrinə bənzər quş kimi təsvir olunur.
Sasanilərin
hakimiyyəti dövründə simurq bir çox binalar, qab və paltarların üzərində təsvir
olunardı. Deyilənlərə görə, simurq o dövrlərdə Sasani şahlığının rəsmiemblemi
olub.
Əttar
özünün «Məntiquttəyr» («Quşların dili») kitabında simurq quşu barədə maraqlı
hekayə nəql edir:«Günlərin bir günü quşlar şanapipiyin rəhbərliyi ilə Qaf
dağına səfərə çıxırlar. Burada hər növdən olan quş müəyyən sifət və dəstəyə aid
olan insanlar kimi təsvir olunur. Yolda çətinlik və maneələr quşları taqətdən
salır və onların çoxu yola davam edə bilmir. Şanapipik arxaya baxıb yüzlərlə
quşdan cəmi otuzunun qaldığını görür və onları ruhlandırmaq üçün Simurqun
onları həsrətlə gözlədiyini bildirir. Beləcə, dağın başına otuz quş çıxa bilir.
Lakin orada Simurqu görə bilməyib Təəccüblə şanapipikdən onun harada olduğunu
soruşurlar. Şanapipik onlara deyir:»Bir, sayınıza nəzər salın, simurq elə
özünüzsünüz."
Quşlar
saylarının doğrudan da otuz olduğunu
görürlər." (si-fars dilində otuz, murq-quş mənasını verir)
Şanapipik
quşların əhvalını qaldırmaq məqsədilə onların təsəvvüründə simurq adlı varlıq
yaradır. Quşlar ona çatmaq üçün xüsusi əzmkarlıq göstərirlər.
Əttar
bu hekayəni yazmaqla əslində, iradəli insanların qarşısına çıxan çətinliklərə
sinə gərib hədəfə çatmalarından söz açmaq istəyir.
Комментариев нет:
Отправить комментарий