Təhsil Nazirliyinin dəstəyi ilə Xızı rayonunda Robotexnologiyalar inkişaf etdirilir

Təhsil Nazirliyinin elan etdiyi “Təhsildə inkişaf və innovasiyalar üzrə 3-cü  qrant müsabiqəsi” çərçivəsində fərdi  kateqoriya üzrə qalib olmuş Xızı rayon Agdərə kənd orta məktəbinin  müəllimi Novruzova Sevincin “ROBOLAB” şagirdlərin səmərəli təhsil fəaliyyətinə cəlb edilməsi" layihəsi çərçivəsində 14.09.2019-cu il tarixdə Xızı rayon Sitalçay kənd orta  məktəbində şagirdlər üçün  layihənin təqdimatı keçirilmişdir.

Layihənin əsas məqsədi istedadlı şagirdlərin aşkar olunması və dəstəklənməsi, onların məntiqi tənqidi təfəkkürünün inkişaf etdirilməsi, nəzəri biliklərinin, tətbiqetmə bacarıqlarının, texnologiya ilə  işləmək qabiliyyətilərnin inkişaf etdirilməsidir.

Layihə boyunca  təlimlər 3 ay müddətində 100 nəfər şagird Xızı rayon üzrə seçilmiş məktəblərdən təlimlərə cəlb olunacaqdır. Robot texnologiyasından istifadə edərkən və robot dizayn edərkən şagirdlər bir alim, mühəndis və ya bir dizayner kimi düşünür, zaman keçdikcə gündəlik həyatdakı problemləri araşdırmağa başlayır, bu problemlərə həll tapmaqda daha bacarıqlı olacaqlar. Tədbirdə “Mars Academy MMC”-nin, “Demokratik Gənclər”İctimai Birliyinin, layihədə iştirak edəcək təhsil müəssisələrinin  nümayəndələri iştirak edirdi.

Layihə çərçivəsində şagirdlərə araşdırma, elmi-tədqiqat, məlumat toplama, təqdimat hazırlama və təqdim etmə barədə təlimlər keçiriləcəkdir.

Robototexnika sahəsində isə şagirdlər proqramlaşdırma, robotların tətbiq sahəsi barədə biliklərini artırırlar.

Layihə çərçivəsində roll-up banner və flayerlərlər çap edilib, facebook-da səhifə açılıb.

Qeyd edək ki, Təhsildə inkişaf və innovasiyalar üzrə ikinci qrant müsabiqəsi dövlət ümumi təhsil müəssisələri və bu müəssisələrdə çalışan pedaqoji işçilər üçün elan edilmişdir. Təşkilat Komitəsi Ekspert Qrupunun rəyi əsasında ümumi təhsil müəssisələri kateqoriyası üzrə                      53, fərdi kateqoriya üzrə 115 layihənin dəstəklənməsini məqsədəuyğun sayıb. Müsbət qərar verilən 168 layihənin maliyyələşdirilməsi Təhsil Nazirliyi tərəfindən təsdiqlənib. Ümumilikdə 44 rayon və şəhər üzrə ümumi təhsil müəssisəsi və müəllimlər qalib gəlib